Main Kab Se

Neda
Ahmad Nadeem Shayari

Main Kab Se Gosh Bar-Aavaaz Huun Pukaaro Bhii
Zamiin Par Yeh Sitaare Kabhii Utaaro Bhii

Merii Gayyuur Umango, Shabaab Faanii Hai
Guruur-e-Ishq Kaa Deriina Khel Haaro Bhii

Bhatak Rahaa Hai Dhundhalkon Main Karvaan-e-Khayaal
Bas Ab Khudaa Ke Liye Kaakulen Sanvaaro Bhii

Merii Talaash Kii Meraaj Ho Tumhiin Lekin
Naqaab Uthaao, Nishaan-e-Safar Ubhaaro Bhii

Yah Kaainaat, Azl se Supurd-e-Insaan Hai
Magar Nadeem Tum Is Bojh Ko Sahaaro Bhii

Sarapa Ishq Hoon Main

Neda
Ahmad Faraz Shayari

Sarapa Ishq Hoon Main Ab Bikhar Jaon To Behtar Hai
Jidhar Jaatey Hain Ye Baadal Udhar Jaon To Behtar Hai

Thehair Jaon Ye DiL Kehta Hai Tere Shehar Mein kuch Din
Magar Halaat Kehtey Hain Ke Ghar Jaon To Behtar Hai

DiLon Mein Farq Aaien Gey TaaLuq Toot Jaein Gey
Jo Dekha Jo Sona Us Se Mukar Jaon To Behtar Hai

Yahan Hai Kon Mera Jo Mujhe Samjhaye Ga “Faraz”
Main Koshish Kar Ka Ab Khud He Sanwar Jaon To Behtar Hai

Yeh Kab Kehti Hoon

Neda
Parveen Shayari

Yeh Kab Kehti Hoon Tum Mere Galay Ka Haar Ho Jao
Wahin Se Laut Jana Tum Jahan Se Bezaar Ho Jao

Mulaqaton Main Waqfa Is Liye Hona Zaroori Hai
Ke Tum Ik Din Judayi Ke Liye Tayaar Ho Jao

Bohat Jald Samajh Main Anay Lagte Ho Zamane Ko
Bohat Aasan Ho Thore Bohat Dushwaar Ho Jao

Balaa Ki Dhoop Se Aayi Hoon Mera Haal To Dekho
Bas Ab Aesa Karo Ke Tum Saaya-e-Deewaar Ho Jao

Abhi Parrhne Ke Din Hain Likh Bhi Lena Haal-e-Dil Apna
Magar Likhna Tabhi Jab Laayeq-e-Izhaar Ho Jao..

This website uses cookies to improve your experience. We'll assume you're ok with this, but you can opt-out if you wish. Accept Read More