Category: Amjad Islam Amjad

Chehre Pe Mere

Neda
Amjad Poetry

Chehre Pe Mere Zulf Ko Phelao Kisi Din
Kya Roz Garajte Ho Baras Jao Kisi Din

Razon Ki Tarah Utro Mere Dil Main Kisi Shab
Dastak Pe Mere Hath Ki Khul Jao Kisi Din

Perron Ki Tarah Husn Ki Barish Main Naha Loon
Baadal Ki Tarah Jhoom Ke Ghar Aao Kisi Din

Khushbuu Ki Tarah Guzro Mere Dil Ki Gali Se
Phoolon Ki Tarah Mujh Pe Bikhar Jao Kisi Din

Guzren Jo Mere Ghar Se To Urr Jaaye Sitare
Is Tarah Meri Raat Ko Chamkao Kisi Din

Main Apni Har Ik Saans Usi Raat Ko De Doon
Sar Rakh Ke Mere Seene Pe So Jao Kisi Din

Aankhon Ka Rang

Neda
amjad islam poetr

Aankhon Ka Rang, Baat Ka Lehja Badal Gaya
Woh Shakhs Aik Shaam Main Kitna Badal Gaya

Kuch Din To Mera Aks Raha Aaine Pe Naqsh
Phir Youn Huwa Ke Khud Mera Chehra Badal Gaya

Qadmon Talay Jo Rait Bichhi Thi Woh Chal Pari
Us Nay Chhuraya Haath To Sehra Badal Gaya

Koi Bhi Cheez Apni Jageh Par Nahin Rahi
Jaatay Hi Aik Shakhs Kay, Kiya Kiya Badal Gaya

This website uses cookies to improve your experience. We'll assume you're ok with this, but you can opt-out if you wish. Accept Read More