Main Kab Se Gosh Bar-Aavaaz Huun Pukaaro Bhii
Zamiin Par Yeh Sitaare Kabhii Utaaro Bhii
Merii Gayyuur Umango, Shabaab Faanii Hai
Guruur-e-Ishq Kaa Deriina Khel Haaro Bhii
Bhatak Rahaa Hai Dhundhalkon Main Karvaan-e-Khayaal
Bas Ab Khudaa Ke Liye Kaakulen Sanvaaro Bhii
Merii Talaash Kii Meraaj Ho Tumhiin Lekin
Naqaab Uthaao, Nishaan-e-Safar Ubhaaro Bhii
Yah Kaainaat, Azl se Supurd-e-Insaan Hai
Magar Nadeem Tum Is Bojh Ko Sahaaro Bhii
Tu Jo Badla To Zamana Bhi Badal Jaega
Ghar Jo Sulga To Bhara Shahr Bhi Jal Jaega
Samne Aa Ki Mera Ishq Hai Mantiq Mein Asir
Aag Bhadki To Ye Patthar Bhi Pighal Jaega
Dil Ko Main Muntazir-e-Abr-e-Karam Kyun Rakkhun
Phul Hai Qatra-e-Shabnam Se Bahal Jaega
Mausam-e-Gul Agar Is Haal Mein Aaya Bhi To Kya
Khun-e-Gul Chehra-e-Gulzar Pe Mal Jaega
Waqt Ke Panw Ki Zanjir Hai Raftar-e-‘Nadim’
Hum Jo Thahre To Ufuq Dur Nikal Jaega
Jab Tera Hukamm Mila, Tark Mohabbat Kar Di
Dil Magar Is Pe Wo Dhadka Ki Qayamat Kar Di
Tujh Se Kis Tarah Main Izhaar-e-Tamanna Karta
Lafz Sujha To Muani Ne Baghawat Kar Di
Main To Samjha Tha Ki Laut Aate Hain Jaane Wale
Tu Ne Ja Kar To Judai Meri Qismat Kar Di
Mujh Ko Dushman Ke Iradon Pe Bhi Pyar Aata Hai
Teri Ulfat Ne Mohabbat Meri Aadat Kar Di
Kya Tera Jism Tere Husn Ki Hiddat Mein Jala
Rakh Kis Ne Teri Sone Ki Si Rangat Kar Di
Jangal Jangal Aag Lagi Hai Basti Basti Viran Hai
Kheti Kheti Rakh Udti Hai Duniya Hai Ki Bayaban Hai
Sannate Ki Haibat Ne Sanson Mein Pukaren Bhar di Hain
Zehnon Mein Mabhut Khayalon Ne Talwaren Bhar Di Hain
Qadam Qadam Par Jhulse Jhulse Khwab Pade Hain Rahon Mein
Subh Ko Jaise Kale Kale Diye Ibaadat Gahon Mein
Ek Ek Sang-e-Mil Mein Kitni Aankhen Hain Pathrai Hui
Ek Ek Naqsh-e-Qadam Mein Kitni Raftaren Kafnai Hui
Ham Safro Ai Ham Safro Kuchh Aur Bhi Nazdik Aa Ke Chalo
Jab Chalna Hi Muqaddar Thahra Hath Mein Hath Mila Ke Chalo
Ik Umer Se Fareb-e Safar Kha Rahay Hain Ham
Ma’aloom Hi Nahi Kidhr Ja Rahe Hain Ham
Gul Tera Rang Chura Laye Hain,… Gulzaron Mein
Jal Raha Hun Bhari Barsat Ke Baucharon Mein
Mujh Se Katara Ke Nikal Ja Magar Ae Jan-e-Haya
Dil Ke Lau Dekh Raha Hun Tere Rukhasaron Mein
Husn-e-Begana,…Ehasas-e-Jamal Acha Hai
Gunche Khilate Hain To Bik Jate Hain Bazaron Mein
Zikr Karte Hain Tera Mujh Se, Baunavan-e-Jafa
Charagar Phul Piro Laye Hain,.. Talvaron Mein
Zakhm Chup Sakate Hain Lekin, Mujhe Fan Ke Saugaundh
Gham Ke Daulat Bhi Hai Shamil,. Mere Shahakaron Mein
Mujh Ko Nafarat Se Nahi, Pyar Se Maslub Karo
Main To Shamil Hun Mohabbat Ke Gunahgaron Mein
Rut Badalti Hai To,.. Meyar Badal Jatay Hain
Bulbalan Khar Liye Bharti Hain, Munakaron Main
Chun Liya Bazar-e-Hunar Se,.. Koi Berop Nadeem
Ab To Funkar Be Shamil Hai, Adkron Main