Category: Bashir Badr

In Aankhon Se

Neda
Bashir Shayari

In Aankhon Se Din Raat Barsaat Hogi
Ager Zindagi Sirf Jazbaat Hogi

Musafir Ho Tum bhi, Musafir Hain Hum Bhi
Kisi Mor Par Phir Mulaqaat Hogi

Sadaon Ko Ilfaaz Milne Na Payn
Na Badal Ghirain Na Barsaat Hogi

Chiraghon Ko Aankhon Mein Mehfoz Rakhna
Bari Door Tak Raat Hi Raat Hogi

Azal Se Abad Tak Safar Hi Safar Hai
Kahin Subha Hogi Kahin Raat Hogi

Aankhon Main Rahaa

Neda
Bashir Poetry

Aankhon Main Rahaa Dil Main Utar Kar Nahi Dekha
Kashti Ke Musaafir Ne Samandar Nahi Dekhaa

Be Waqt Agar Jaaungaa Sab Chaunk Padenge
Ek Umr Huii Din Main Kabhii Ghar Nahi Dekhaa

Jis Din Se Chalaa Hun Meri Manzil Pe Nazar Hai
Aankhon Ne Kabhii Meel Ka Patthar Nahi Dekhaa

Mahbuub Ka Ghar Ho Ki Buzurgon Kii Zamiinen
Jo Chhor Diyaa Phir Use Mur Kar Nahi Dekhaa

Patthar Mujhe Kahtaa Hai Meraa Chaahne Waala
Main Mom Huun Usne Mujhe Chhuu Kar Nahi Dekhaa

Hameshaa Hansne Vaali Auraten

Neda
Bashir Poetry

Subah Ka Jharnaa, Hameshaa Hansne Vaali Auraten
Jhutpute Ki Nadiyaan, Khamosh Gahrii Auraten

Sarakon Baazaaron Makaanon Daftaron Main Raat Din
Laal Pili Sabz Nili, Jalti Bujhti Auraten

Shahar Main Ek Baagh Hai Aur Baagh Main Taalaab Hai
Tairti Hain Usmen Saton Rang Vaali Auraten

Saikron Aisii Dukaanen Hain Jahaan Mil Jaayengii
Dhaat Ki, Patthar Ki, shiishe Ki, Rabar Ki Auraten

Inke Andar Pak Rahaa Hai Vaqt Kaa Aatish-FishaaN
Kin Pahaaron Ko Dhake Hain Barf Jaisii Auraten

Wakahi Donon Bohat Mazloom Hain Nawad Aur
Maa Kaha Jane Ki Hasrat Main Salgten Auraten

Gharon Pe Naam Thay

Neda
Afsos Poetry Urdu

Gharon Pe Naam Thay Naamon Ke Sath Uhday Thay
Bohat Talash Kya Koi Aadmi Na Mila

This website uses cookies to improve your experience. We'll assume you're ok with this, but you can opt-out if you wish. Accept Read More