Category: Munir Niazi

Kisi Ko Apne

Neda
Munir Shayari

Kisi Ko Apne Amal Ka Hisaab Kya Dete
Sawaal Saaray Ghalat The Jawaab Kya Dete

Kharab Sadiyon Ki Be-Khwabiyan Theen Aankhon Main
Ab In Be-Aant Khalaaon Main Khwaab Kya Dete

Hawa Ki Tarha Musafir Thy Dilbaron Ke Dil
Unhain Bus Aik Hi Ghar Ka Azaab Kya Dete

Sharaab Dil Ki Talab Thi Sharaab Ke Pehra Main
Hum Itni Tangi Main Us Ko Sharaab Kya Dete

Munir Dasht Shuroo Se Saraab-Aasa Tha
Usss Aainay Ko Tamanna Ki Aab Kya Dete

Zinda Rahen to Kya Hai

Neda
Munir Nazai Urdu Poetry

Zinda Rahen to Kya Hai, Jo Mar Jayen Hum To Kiya
Dunya Se Khamushi Se Guzzar Jayen Hum To Kya

Hasti Hi Apni Kiya Hai Zamanay Ke Samnay
Ik Khwab Hain Jahaan Mein, Jo Bikhar Jayen Hum To Kiya

Ab Kaun Muntazir Hai Hamaray Liye Wahan
Shaam Aa Gayi Hai, Laut Ke Ghar Jayen Hum To Kiya

Dil Ki Khalish To Saath Rahay Gi Tamam Umr
Darya e Gham Ke Paar Utar Jaayen Hum To Kiya

Un Se Nayan Mila Ke Dekho

Neda
Munir Poetry

Un Se Nayan Mila Ke Dekho
Ye Dhoka Bhi Kha Ke Dekho

Duri Mein Kya Bhed Chhupa Hai
Is Ka Khoj Laga Ke Dekho

Kisi Akeli Sham Ki Chup Mein
Git Purane Ga Ke Dekho

Aaj Ki Raat Bahut Kali Hai
Soch Ke Dip Jala Ke Dekho

Dil Ka Ghar Sunsan Pada Hai
Dukh Ki Dhum Macha Ke Dekho

Jag Jag Kar Umr Kati Hai
Nind Ke Dware Ja Ke Dekho

Aaj Ka Din Kaise Guzrega

Neda
Munir Nazai

Aaj Ka Din Kaise Guzrega Kal Guzrega kaise
Kal Jo Pareshani Mein Bita Wo Bhulega Kaise

Kitne Din Hum Aur Jiyenge Kaam Hain Kitne Baqi
Kitne Dukh Hum Kat Chuke Hain Aur Hain Kitne Baqi

Khas Tarah Ki Soch Thi Jis Mein Sidhi Baat Ganwa Di
Chhote Chhote Wahmon Hi Mein Sari Umar Bita Di

This website uses cookies to improve your experience. We'll assume you're ok with this, but you can opt-out if you wish. Accept Read More